اسلام آباد(روشن پاکستان نیوز)سپریم کورٹ آف پاکستان، اسلام آباد اور لاہور ہائیکورٹس کے ججز کو خط لکھنے کی تحقیقات میں اہم پیشرفت سامنے آئی ہے۔
ذرائع کے مطابق عدالت عظمیٰ اور عدالت عالیہ کے ججز کو دھمکی آمیز خطوط لکھنے والا ایک ہی شخص ہے۔
ذرائع کے مطابق خطوط کی ہینڈرائیٹنگ کی فرانزک رپورٹ کاؤنٹر ٹیرر ازم ڈیپارٹمنٹ (سی ٹی ڈی) کو موصول ہوگئی ہے۔
رپورٹ میں کہا گیا ہے کہ سپریم کورٹ، اسلام آباد اور لاہور ہائیکورٹ کےججز کو خطوط کی لکھائی میچ ہوگئی، تینوں عدالتوں کے ججز کو خطوط کی لکھائی ایک ہی شخص کی ہے۔
مزیدپڑھیں:صحت عامہ کی سہولیات تک رسائی ہر شہری کا بنیادی حق ہے، وزیراعظم
ذرائع کے مطابق ریشم، ریشماں اور گلشاد خاتون کے نام سے خطوط ایک ہی شخص نے لکھے اور ایک ہی پوسٹ آفس سے بھجوائے گئے، خطوط میں ڈالا گیا آرسینک بھی ایک ہی شخص نے خریدا تھا۔
ذرائع کے مطابق ججز دھمکی آمیز خطوط بھجوانے کا ایک ہی ماسٹر مائنڈ ہے، اُس نے آرسینک کہاں سے خریدا؟ سی ٹی ڈی اس حوالے سے بہت قریب پہنچ چکی ہے۔
ذرائع کے مطابق پوسٹ باکسز کے قریب سے حاصل کردہ سی سی ٹی وی ویڈیوز سے شاخت کا عمل نادرا ڈیٹا بیس سے جاری ہے۔
