جدہ(بیورورپورٹ)آئی ٹی کا شعبہ ان شا اللہ آنے والے دنوں میں کشمیر کی ترقی میں کلیدی کردار ادا کرے گا۔

ان خیالات کا اظہار جدہ میں آئی ٹی وزیر آزادکشمیر سردار قمر ضیا نے معروف کاروباری شخصیت محمد خورشید کی طرف سے جدہ میں دئیے گئے افطار ڈنر کیا۔

سعودی عرب کے ساحلی شہر جدہ میں آئی ٹی وزیر آزادکشمیر سردار قمر ضیا کے اعزاز میں معروف کاروباری شخصیت محمد خورشید کی طرف سے افطار ڈنر کی تقریب منعقد ہوئی ہے جس میں کمیونٹی کی سیاسی و سماجی شخصیات نے بڑی تعداد میں شرکت کی –

تقریب سے خطاب کرتے ہوئے مہمان خصوصی نے کہا انھوں نے کہاکہ کشمیری اپنے حق خودارادیت کا مطالبہ کرتے ہیں جن کا ان سے وعدہ کیا گیا تھا. ان کا یہ اصولی موقف تسلیم کیا جانا چاہیے اور کشمیریوں کو استصواب رائے کا حق دینا چاہیے،طلبا تنظیمیں ایک ایسا پلیٹ فارم ہے جہاں سے نوجوان نسل کے اندر پڑھائی کیساتھ ساتھ قوم کی خدمت کا جذبہ بھی بیدار ہوتا ہے. بہت ساری مثالیں ہمارے سامنے ہیں کہ بہت ساری جماعتوں میں اسی پلیٹ فارم سے اچھی اور مثالی سیاسی شخصیات آگے آئیں. کشمیر کے اندر بلدیات کا نظام بھی موثر تبدیلی لا سکتا ہے لیکن اس کے لیے ایک مربوط، منظم اور طویل مدتی نظام بنانے کی ضرورت ہے جو بہتری کی فضا پیدا کرسکتا ہے۔

اپنی وزارت کے حوالے سے بات کرتے ہوئے انھوں نے کہا کہ جیسا کہ آپ کو معلوم ہے انفارمیشن ٹیکنالوجی کی اس وقت بہت بڑی اہمیت ہے. ان شااللہ آئی ٹی کا شعبہ کشمیر کے اندر معاشی ترقی کا پہیہ چلائے گا اور یہ بات بڑے وثوق سے کہتا ہوں کہ آنے والے دنوں میں آئی ٹی کا شعبہ کشمیر کی معاشی خوشحالی اور نوجوان نسل کی بیروزگاری ختم کرنے میں کلیدی کردار ادا کرے گا.شرکا تقریب اور میزبان نے مہمان خصوصی کو عمرے کی سعادت پر مبارکباد پیش کی۔

تقریب میں پی پی سعودی عرب کے صدر چوہدری تصور. ملک جاوید ، سابق صدارتی مشیر سردار عنایت اللہ عارف، سردار وقاص عنایت اللہ، راجہ شمروز، کلیم خان، وحید خاکسار، سردار ذوالفقار، سردار اعجاز، چوہدری معروف حسین، فواد خان سواتی، احسان مغل شامل تھے. انکے علاوہ حلقے کے دیگر افراد نے بھی شرکت کی۔