اسلام آباد(نیوزڈیسک)آئی سی سی ٹی 20 ورلڈ کپ کی ٹرافی پاکستان کے 3 روزہ دورے پر آج رات اسلام آباد پہنچے گی۔
ذرائع کے مطابق ٹی 20 ورلڈ کپ ٹرافی اپنے 3 روزہ دورے میں اسلام آباد کے علاوہ ایبٹ آباد اور لاہور جائے گی جبکہ ٹرافی اسلام آباد آمد کے بعد جمعرات کو شہر کے مختلف مقامات کا رخ کرے گی۔
ٹی 20 ورلڈ کپ ٹرافی ہفتے کے روز شام ساڑھے 4 بجے نیشنل کرکٹ اکیڈمی لاہور جائے گی۔
اسی روز ٹرافی پاکستان نیوزی لینڈ ٹی 20 انٹرنیشنل کے موقع پر قذافی اسٹیڈیم میں موجود رہے گی۔
واضح رہے کہ ٹی 20 ورلڈ کپ اس سال 2 سے 29 جون تک امریکا اور ویسٹ انڈیز میں منعقد ہوگا۔
