اسلام آباد(روشن پاکستان نیوز): اگر کسی کے مرحوم والد کے دو شناختی کارڈ ہوں اور بلاک ہو جائیں تو بچوں کے شناختی کارڈ کیسے بنیں گے؟
نیشنل ڈیٹابیس رجسٹریشن اتھارٹی (نادرا) سے ایک خاتون نے سوال کیا کہ ان کے والد نے دو شناختی کارڈ بنوا رکھے تھے۔ نادرا نے دونوں شناختی کارڈ مسنوخ کر دیے ہیں۔ والد کا انتقال ہو چکا ہے اور میرا شناختی کارڈ اسی وجہ سے نہیں بن رہا، تو اسکا حل کیا ہے؟
اس سوال کے جواب میں نادرا کے پبلک انفارمیشن آفیسر سید شباہت علی نے پہلے تو یہ واضح کیا کہ اگر کسی فرد نے دانستہ دو شناختی کارڈ بنا رکھے ہیں، وہ قانونی جرم ہے۔
انہوں نے کہا کہ ہر اس کیس میں جہاں کسی شہری نے دو شناختی اکرڈ بنا رکھے ہیں، تو نادرا دونوں شناختی کارڈ کو بلاک کر دیتا ہے، کیونکہ نادرا کے پاس دو چہرے ایک جیسے لیکن ریکارڈ الگ الگ ہوتا ہے، ہمیں نہیں پتہ کہ کون سا ریکارڈ درست ہے، اس لیے دونوں شناختی کارڈ بلاک کر دیے جاتے ہیں۔
نادار پی او آر نے خاتون کالر کے مسئلے کا حل بتاتے ہوئے کہا کہ آپ اپنے والد کے دونوں شناختی کارڈ لے کر متعلقہ زونل بورڈ جائیں۔ زونل بورڈ سے متعلق نادرا سینٹر یا نادرا کی ایپلیکیشن سے بھی معلومات لی جا سکتی ہیں۔
فلائی دبئی پرواز میں پائلٹ پر حملہ، مبینہ حملہ آور کی شناخت اب تک کیوں ظاہر نہیں کی گئی؟
متعلقہ زونل بورڈ آفس جا کر والد کے دونوں شناختی کارڈ پیش کریں اور ان سے کہیں کہ آپ کے والد کی لُک کو کلیئر کیا جائے۔ جو معلومات درست ہیں، وہ رکھی جائیں اور دوسرے کارڈ کی معلومات کو ختم کر دیا جائے۔ اس بنیاد پر ان کا کارڈ سبمٹ ہو جائے گا۔
اس کے بعد اپنے والد مرحوم کا ڈیتھ سرٹیفکیٹ جو یونین کونسل سے بنوایا ہے، وہ نادرا کے دفتر میں پیش کر کے ان کا اصل شناختی کارڈ ختم کرائیں، اسکے بعد ہی آپ کے شناختی کارڈ کی پراسیسنگ شروع ہو سکے گی۔
