جدہ(روشن پاکستان نیوز) وزیراعظم شہبازشریف وفد کے ہمراہ سعودی عرب پہنچ گئے،گورنر جدہ نے ان کا استقبال کیا،پاکستانی سفیر احمد فاروق،قونصل جنرل خالد مجید اور دیگر سفارتی عملہ بھی موجود تھا۔
وزیراعظم شہباز شریف اورسعودی ولی عہد شہزادہ محمد بن سلمان کی ملاقات ہو گی،ملاقات میں پاک سعودی باہمی دلچسپی کے امور پر تبادلہ خیال کیا جائےگا۔
مزید پڑھیں: سعودی کابینہ کی منظوری: پاکستان کے ساتھ کسٹمز تعاون اور ووکیشنل ٹریننگ کے معاہدے
ملاقات میں پاکستان میں سعودی سرمایہ کاری کے فروغ سمیت دیگر امور پر بھی گفتگو ہو گی،دورے کا مقصد دوطرفہ تعلقات کو مضبوط بنانا اور معاشی تعاون کو بڑھانا ہے۔
وزیراعظم عمرہ کی سعادت بھی حاصل کریں گے،شہباز شریف 22مارچ تک سعودی عرب میں قیام کریں گے۔
