هفته,  13 جولائی 2024ء
لوڈشیڈنگ کیخلاف احتجاج،مظاہرین کا روڈ کھولنے سے انکار، ٹریفک میں پھنسا مریض دم توڑگیا

 

نوشہرہ (روشن پاکستان نیوز)نوشہرہ میں لوڈشیڈنگ کے خلاف جاری احتجاج کے باعث ٹریفک میں پھنسا مریض دم توڑگیا۔نوشہرہ کے علاقے رشکئی میں 22 گھنٹے کی غیر اعلانیہ لوڈشڈنگ کے خلاف حتجاج کئی گھنٹے سے جاری ہے۔

ایس ایچ او رشکئی کے مطابق ضلعی انتطامیہ نے مظاہرین کے ساتھ مذاکرات کیے مگر مظاہرین نے روڈ کھولنے سے انکار کردیا۔ احتجاج کے دوران مظاہرین کی جانب سے پتھراؤ اور ہوائی فائر نگ کی گئی جبکہ پولیس نے مظاہرین کو منتشرکرنے کیلئے لاٹھی چارج اور آنسوگیس شیلنگ کی۔

ایس ایچ او نے بتایاکہ احتجاج کے دوران نوجوان سے پستول برآمد کرلی گئی۔مسلسل 6 گھنٹے احتجاج کے باعث جی ٹی روڈ اور موٹر وے بلاک ہونے سے مسافروں اور مریضوں کو شدید مشکلات کاسامنا ہے۔ احتجاج کے دوران ٹریفک میں پھنسا ایک مریض بھی مبینہ طور پر جاں بحق ہوگیا۔ ڈی پی او نوشہرہ اظہر خان کے مطابق قانون ہاتھوں میں لینے والوں کے خلاف مقدمہ درج ہوگا۔

مزید خبریں

FOLLOW US

Copyright © 2024 Roshan Pakistan News