اسلام آباد(روشن پاکستان نیوز) پاکستان سمیت دنیا کے مختلف ممالک میں واٹس ایپ کی سروس ڈاؤن ہو گئی۔ جس کی وجہ سے صارفین کو مشکلات کا سامنا کرنا پڑا۔
غیر ملکی خبر رساں ایجنسی کے مطابق پاکستان سمیت دنیا کے مختلف ممالک میں واٹس ایپ سروس ڈاؤن ہونے کی وجہ سے صارفین کو مشکلات کا سامنا کرنا پڑا۔ صارفین نے شکایات کیں کہ انہیں واٹس ایپ پر پیغام بھیجنے میں مشکلات کا سامنا ہے۔
واٹس ایپ صارفین کی جانب سے ایکس، فیس بک اور دیگر سوشل میڈیا پلیٹ فارمز پر واٹس ایپ کی سروس ڈاؤن ہونے کی شکایات کی گئیں۔
پاکستان میں بھی صارفین کو واٹس ایپ کی سروس میں تعطل اور تاخیر کا سامنا کرنا پڑا۔ صارفین جو پیغام بھیج رہے ہیں وہ فوراً نہیں پہنچ رہا، اس کے علاوہ گروپ میں بھیجے گئے پیغامات اور تصاویر، ویڈیوز بھی صارفین تک نہیں پہنچ رہیں۔
یہ بھی پڑھیں:سوشل میڈیا پر نرس کی دوران ڈیوٹی ویڈیوز اور نازیبا جملوں پر صارفین کی کڑی تنقید
میٹا یا واٹس ایپ انتظامیہ کی جانب سے فوری طور پر اس حوالے سے کوئی وضاحت نہیں کی گئی کہ سروس میں خلل آنے کی وجہ کیا ہے۔
غیرملکی میڈیا کے مطابق کچھ صارفین نے شکایت کی ہے کہ فیس بک اور انسٹا گرام کے استعمال میں بھی انہیں اسی نوعیت کی مشکلات پیش آئیں۔
