اسلام آباد(روشن پاکستان نیوز) آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں کا نوٹیفکیشن جاری کردیا ہے۔
اوگرا کی جانب سے پیٹرول کی فی لیٹر قیمت میں 35 پیسے کمی کی گئی ہے جس کے بعد پیٹرول کی نئی قیمت 315 روپے 80 پیسے ہوگئی ہے۔
ڈیزل کی قیمت میں 5 روپے 71 پیسے فی لیٹر اضافہ کیا گیا ہے جس کے بعد ڈیزل کی نئی قیمت 360 روپے 06 پیسے ہوگئی ہے۔
نوٹیفکیشن کے مطابق ڈیزل اور پیٹرول کی نئی قیمتوں کا اطلاق 21 جولائی کے لیے کیا گیا ہے۔
واضح رہے کہ وفاقی حکومت نے اوگرا کو اس حوالے سے گائیڈ لائنز جاری کی تھیں۔
اوگرا کو روزانہ کی بنیاد پر قیمتوں کے اعلان کے لیے اب حکومت سے پیشگی منظوری لینے کی ضرورت نہیں ہوگی. قیمتوں کا فیصلہ درآمدی لاگت اور پریمیم کی بنیاد پر خودکار طریقے سے ہوگا۔ اگر پیٹرولیم مصنوعات درآمد نہیں کی گئیں، تو قیمت کا تعین سالانہ اوسط پریمیم کی بنیاد پر کیا جائے گا۔
دستاویز میں واضح کیا گیا تھا کہ وفاقی کابینہ کی جانب سے مقرر کردہ حد سے زیادہ پیٹرولیم لیوی چارج نہیں کی جائے گی جبکہ پیٹرولیم لیوی میں کسی بھی قسم کی تبدیلی یا ردوبدل صرف وزارتِ خزانہ کی باقاعدہ منظوری کے بعد ہی ممکن ہو سکے گا۔
پاکستانی فری لانسرز نے مالی سال 26-2025 میں ریکارڈ 1 ارب 76 کروڑ ڈالر زرمبادلہ کمالیا
شفافیت کو برقرار رکھنے کے لیے اوگرا کو یکم جولائی 2026 سے عالمی مارکیٹ کے ریفرنس ریٹس روزانہ اپنی ویب سائٹ پر اپ لوڈ کرنا لازمی ہوگا۔
نئی پالیسی کے تحت آئل مارکیٹنگ کمپنیوں کو ان کے مارکیٹ شیئر کے مطابق پیٹرول درآمد کرنے کی اجازت ہوگی۔ تاہم، امپورٹ کی شرائط و ضوابط کی خلاف ورزی کرنے والی کمپنیوں کو 9 ماہ تک کے لیے نااہل قرار دیا جا سکے گا۔ اس کے علاوہ، پاکستان اسٹیٹ آئل مالیاتی سال 2027 سے صرف ہائی اسپیڈ ڈیژل درآمد کرنے کی اہل ہوگی۔
