لندن (روشن پاکستان نیوز) برطانیہ کے سابق وزیراعظم سر کیئر اسٹارمر نے اسکائی نیوز کو دیے گئے ایک خصوصی انٹرویو میں اپنی اہلیہ وکٹوریہ اور دونوں بچوں کے بارے میں غیر معمولی جذباتی انداز میں گفتگو کرتے ہوئے اپنی نجی زندگی کے ایسے پہلو بیان کیے جو عوام کے سامنے کم ہی آئے ہیں۔
اسکائی نیوز کی سیاسی مدیر بیتھ رگبی سے گفتگو کے دوران اسٹارمر نے کہا کہ عوامی زندگی اور اعلیٰ سیاسی ذمہ داریوں نے ان کے خاندان پر بھی گہرا اثر ڈالا۔ انہوں نے اپنی اہلیہ وکٹوریہ کو اپنی سب سے بڑی طاقت اور مکمل ساتھی قرار دیتے ہوئے کہا کہ مشکل فیصلوں میں وہ ہمیشہ ان کے ساتھ کھڑی رہیں۔
برطانیہ: ہول بیک میں مرمت شدہ بند سڑک پر گاڑی پارک، حفاظتی ہدایات نظر انداز
انٹرویو کے دوران اسٹارمر نے اپنے دونوں بچوں کا ذکر کرتے ہوئے اس خواہش کا اظہار بھی کیا کہ انہیں سیاست کی سختیوں اور غیر ضروری عوامی توجہ سے حتیٰ الامکان محفوظ رکھا جائے۔ ان کا کہنا تھا کہ ایک سیاست دان ہونے کے ساتھ ساتھ وہ ایک شوہر اور باپ بھی ہیں، اور خاندان کی فلاح و بہبود ان کے لیے ہمیشہ اولین ترجیح رہی ہے۔
اسکائی نیوز کی سیاسی مدیر بیتھ رگبی نے اس انٹرویو کو اسٹارمر کا اب تک کا سب سے ذاتی اور جذباتی انٹرویو قرار دیتے ہوئے کہا کہ اس موقع پر انہوں نے اپنی شخصیت کا وہ پہلو دکھایا جو عوام نے پہلے کبھی نہیں دیکھا تھا۔
