اسلام آباد(عرفان حیدر) اینٹی نارکوٹکس فورس (اے این ایف) نے تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کارروائیاں کرتے ہوئے خاتون سمیت 3 ملزمان کو گرفتار کر لیا۔ کارروائیوں کے دوران 22 لاکھ روپے سے زائد مالیت کی 21.6 کلوگرام منشیات برآمد کی گئیں۔

تعلیمی اداروں کے قریب کارروائی
اے این ایف نے جامشورو میں ایک یونیورسٹی کے قریب کارروائی کرتے ہوئے خاتون کے قبضے سے 6 کلوگرام چرس برآمد کر کے اسے گرفتار کر لیا۔ گرفتار ملزمہ نے دورانِ تفتیش تعلیمی اداروں کے طلبہ کو منشیات فروخت کرنے کا اعتراف کیا ہے۔

دیگر کارروائیاں

• باچا خان ایئرپورٹ پر قطر جانے والے ایک مسافر کے سامان سے 600 گرام ہیروئن برآمد کر کے ملزم کو گرفتار کیا گیا۔

• کوئٹہ کے قریب بالیلی چیک پوسٹ پر موٹر سائیکل سوار ایک ملزم سے 15 کلوگرام چرس برآمد کی گئی۔

اے این ایف کے مطابق تمام کارروائیوں کے تحت انسدادِ منشیات ایکٹ 1997 کے تحت مقدمات درج کر کے مزید تحقیقات کا آغاز کر دیا گیا ہے۔

مزید پڑھیں: اے این ایف کا تعلیمی اداروں کے اطراف اور مختلف شہروں میں منشیات اسمگلنگ کے خلاف کریک ڈاؤن