راولپنڈی(عرفان حیدر) بانی حاجی محمدنذیر مرحوم پہلوان گروپ کے سرپرست اعلی اور کاروباری شخصیت شیخ خرم شہزاد پہلوان نے کرسمس کے موقع پر پاکستان بھر کی مسیحی برادری کو مبارکباد پیش کرتے ہوئے کہا ہے کہ ہم مسیحی برادری کے ساتھ کھڑے ہیں ۔ ان خیلات کا اظہار انہوں نے کرسمس کے موقع پر اپنے پیغام میں کیا۔ انہوں نے کہا کہ پاکستان ایک پرامن ملک ہے جہاں تمام مذاہب کو آئین کے تحت مکمل تحفظ حاصل ہے مذہبی ہم آہنگی، رواداری، برداشت اور بھائی چارہ ہماری قومی شناخت کا اہم حصہ ہیں اور یہی اقدار پاکستان کو مضبوط بناتی ہیں اقلیتی برادریوں نے ملک کی ترقی اور خوشحالی میں نمایاں کردار ادا کیا ہے اور حکومت ان کے حقوق کے تحفظ کے لیے پرعزم ہے ۔ انہوںنے کہا کہ کرسمس جیسے مذہبی تہوار مختلف مذاہب کے ماننے والوں کے درمیان محبت، احترام اور اتحاد کو فروغ دیتے ہیں۔ انہوں نے زور دیا کہ ہمیں ایک دوسرے کے عقائد، تہذیب اور ثقافت کا احترام کرنا چاہیے تاکہ معاشرے میں امن اور استحکام قائم رہے۔