اسلام آباد(روشن پاکستان نیوز) سابق ٹیسٹ کپتان جاوید میانداد کی اہلیہ کا کہنا ہے کہ ان کے شوہر خیریت سے ہیں، این آئی سی وی ڈی کا حالیہ دورہ معمول کے چیک اپ کے لیے تھا۔
طاہرہ جاوید میانداد کے مطابق چیک اپ کے دوران سابق ٹیسٹ کپتان کی ایک غیر مجاز ویڈیو ہماری رضامندی کے بغیر جاری کی گئی، جو وائرل ہوگئی، تاہم اب مذکورہ ویڈیو کو ہٹا دیا گیا ہے۔
انہوں نے درخواست کی ہے کہ اس ویڈیو یا کسی اور ویڈیو کو ان کے اجتماعی خاندان کی رضامندی کے بغیر شیئر یا استعمال نہ کیاجائے کیونکہ یہ ہمارے خاندان کی رازداری کی خلاف ورزی کے مترادف ہے، امید ہے کہ ذاتی زندگی اور ہمارے خاندان کا احترام کیا جائے گا۔
مزید پڑھیں: کرکٹ آسٹریلیا کا بی بی ایل کھیلنے والے پاکستانی کھلاڑیوں سے متعلق اہم اعلان
طاہرہ جاوید میانداد نے اپنی شوہر کی صحت کے حوالے سے رابطے کر کے استفسار کرنے والوں کا شکریہ ادا کیا اور دعاؤں میں یاد رکھنے کی درخواست کی ہے۔
یاد رہے آج یہ خبر سامنے آئی تھی کہ جاوید میانداد دل میں تکلیف کے باعث اسپتال پہنچ گئے۔
