راولپنڈی(عرفان حیدر) ہارٹیکلچر ایجنسی راولپنڈی شہر کو سرسبز و شاداب،خوبصورت بنانے کے لئے کوشاں ہے،ایم ڈی ایچ اے راولپنڈی کی خصوصی ہدایات کی روشنی میں ہارٹیکلچر ایجنسی راولپنڈی اپنی نرسریز میں متعدد اقسام کے پھولوں اور پودوں کی افزائش،پیداوار اور نگہداشت کے عمل کو یقینی بنا رہی ہے،تاکہ پودوں کی افزائش اور دستیابی میں خود کفالت کو یقینی بنایا جائے اور شہر کو سرسبز بنانے میں مدد مل سکے،ایچ اے راولپنڈی اپنی نرسریز میں روزانہ کی بنیاد پر شاندار انداز میں مختلف اقسام کے پودوں کی افزائش کو یقینی بنا رہی ہے،ان پودوں میں سایہ دار درخت سمیت دیگر متعدد اقسام کے پودے شامل ہیں،جو شہر کی خوبصورتی میں اضافے اور سرسبز ماحول کے فروغ کے لئے معاون ثابت ہوتے ہیں،اس عمل سے ہارٹیکلچر ایجنسی راولپنڈی پودوں کی دستیابی میں خود کفالت کو برقرار رکھ سکے گی،نرسریز میں تیار شدہ پودوں کو راولپنڈی شہر کے مختلف علاقوں میں لگایا جاتا ہے جس سے شہر کی خوبصورتی میں اضافہ ہوا اور سرسبز ماحول کو فروغ مل رہا ہے۔
احمد حسن رانجھا کا کہنا تھا کہ ہارٹیکلچر ایجنسی راولپنڈی کی نرسریز میں ورکرز پھول پودوں کی نگہداشت اور افزائش کے عمل اور ہارٹیکلچر کے کام کو نہایت مہارت سے جاری رکھے ہوئے ہیں،نرسریز سے شہر کے پارکوں اور گرین بیلٹس پر پودوں کو لگانے کی ضرورت پوری کی جاتی ہے، انھوں نے کہا کہ راولپنڈی شہر کو پنجاب حکومت کے وژن کے مطابق سرسبز بنائیں گے،سرد موسم کی آمد کے ساتھ ہی ہارٹیکلچر ایجنسی راولپنڈی پودوں ،پھولوں کی حفاظت کے اقدامات بھی کر رہی ہے۔
