اسلام آباد(روشن پاکستان نیوز) مائیکروسافٹ نے ونڈوز 10 آپریٹنگ سسٹم کو مکمل طور پر ختم کرنے کا اعلان کر دیا۔
غیر ملکی خبر رساں ایجنسی کے مطابق مائیکروسافٹ نے دنیا بھر میں کمپیوٹر استعمال کرنے والے صارفین کے لیے اہم اعلان کر دیا۔ جس کے مطابق 14 اکتوبر 2025 کو ونڈوز 10 آپریٹنگ سسٹم کے لیے سپورٹ کو مکمل طور پر ختم کردیا جائے گا۔
مائیکروسافٹ نے کہا کہ 14 اکتوبر 2025 کے بعد سے ونڈوز 10 استعمال کرنے والے صارفین کو نہ صرف ٹیکنیکل سپورٹ بلکہ سیکیورٹی اپ ڈیٹس اور فیچر اپ گریڈز بھی دستیاب نہیں ہوں گے۔
دوسری جانب ماہرین نے کہا ہے کہ مائیکروسافٹ کے اس اقدام کے بعد پرانے سسٹمز میں وائرس اور میل ویئر کے خطرات بڑھ جائیں گے۔
واضح رہے کہ ونڈوز 10 گزشتہ ایک دہائی سے ذائی کمپیوٹنگ کی دنیا کا سب سے زیادہ استعمال ہونے والے آپریٹنگ سسٹم رہا ہے۔
یہ بھی پڑھیں:صارفین کیلئے بری خبر، بجلی مزید مہنگی کرنےکی درخواست نیپرا میں جمع
مائیکروسافٹ نے صارفین سے درخواست کی ہے کہ وہ بروقت اقدامات کر لیں تاکہ ان کے سسٹمز محفوظ رہ سکیں۔ اور اگر آپ کا کمپیوٹر ونڈوز 11 کے لیے اہل ہے تو اسے اپ گریڈ کیا جا سکتا ہے۔
