پشاور(روشن پاکستان نیوز) پاکستان تحریک انصاف کے چیئرمین بیرسٹر گوہر نے کہا ہے کہ اب ہم عمران خان کی رہائی کو یقینی بناکر دم لیں گے, وہ کسی ڈیل سے نہیں عدالتی جنگ سے رہا ہوں گے.

پشاور میں میڈیا سے گفتگو کرتے ہوئے بیرسٹر گوہر نے کہا کہ 5 اگست کو عمران خان کو جیل میں 2 سال مکمل ہوں گے، بانی پی ٹی آئی اب بھی پہلے دن کی طرح ڈٹ کر کھڑے ہیں، وہ پی ٹی ئی کے قائد تھے ہیں اور رہیں گے، پی ٹی آئی کو ختم نہیں کیا جاسکتا۔

انہوں نے کہا کہ عوام کا اداروں اور عدلیہ پر اعتماد کمزور ہوتا جا رہا ہے، ترقی کے لیے سیاسی انتقام کا سلسلہ بند کرنا ہوگا، پی ٹی آئی ریاست کی بقا، جمہوریت اور عدلیہ کی آزادی کی حامی ہے۔

واضع رہے کہ آج 5 اگست کو عمران خان کی رہائی کے لیے یونین کونسل کی سطح پر پُرامن احتجاجی مظاہرے کئے جائیں گے۔

مزید پڑھیں: عمران خان کی رہائی ایک گھنٹے میں ہو سکتی ہے لیکن وہ ڈیل نہیں کریں گے: اسد قیصر