اسلام آباد (روشن پاکستان نیوز)سنی اتحاد کونسل کی مخصوص نشستوں کی درخواست کے معاملے پر الیکشن کمیشن نے اہم اجلاس طلب کر لیا ہے۔
ذرائع کے مطابق اجلاس میں سنی اتحاد کونسل کی درخواست کا جائزہ لیا جائے گا، سنی اتحاد کونسل کو مخصوص نشستیں دینے یا نہ دینے کا حتمی فیصلہ کمیشن کرے گا۔
ذرائع کا کہنا ہے کہ الیکشن کمیشن آج سیاسی جماعتوں کو مخصوص نشستوں کا کوٹہ الاٹ کرے گا، سنی اتحاد کونسل کو 4.5 کے تناسب سے مخصوص نشست ملے گی۔
اگر سنی اتحاد کونسل کو کوٹہ نہ ملا تو سیاسی جماعتوں کو 3 کے تناسب سے مخصوص نشستیں ملیں گی۔
ذرائع کا کہنا ہے کہ الیکشن کمیشن کی جانب سے حتمی پارٹی پوزیشن آج جاری کیے جانے کا امکان ہے۔
