اسلام آباد(روشن پاکستان نیوز)پاکستان تحریک انصاف کے قومی و صوبائی اسمبلیوں نے اب تک مجموعی طور پر 287 ارکان اسمبلی سنی اتحاد کونسل میں شمولیت کے لیے الیکشن کمیشن میں جمع کرائے ہیں۔
پاکستان تحریک انصاف سیکرٹریٹ سے جاری بیان میں کہا گیا ہے کہ 86 آزاد ارکان اسمبلی نے سنی اتحاد کونسل میں شمولیت کے سرٹیفکیٹ الیکشن کمیشن میں جمع کرا دیے ہیں۔
جبکہ پنجاب اسمبلی کے لیے 105ارکان ، خیبرپختونخوا اسمبلی کے لیے 85 اور سندھ اسمبلی کے لیے 11 اراکین نے سنی اتحاد کونسل میں شمولیت کے سرٹیفکیٹ جمع کرائے ہیں۔
