حافظ آباد(شوکت علی وٹو)ڈپٹی کمشنر حافظ آباد بغیر پروٹوکول پرائیویٹ گاڑی پر اچانک رمضان سہولت بازار پہنچ گئے۔ڈپٹی کمشنر کے رمضان سہولت بازار اچانک پہنچنے پر مارکیٹ کمیٹی کے افسران اور دوکانداروں کی دوڑیں لگ گئیں۔
ڈپٹی کمشنر عبدالرزاق نے چیکنگ کے لیے پرائیویٹ گاڑی پر بغیر پروٹوکول رمضان سہولت بازار کا دورہ کیا.جہاں انہوں نے آٹا، چینی، گوشت، سبزیوں، پھلوں،کریانہ اور دیگر اشیاء کے اسٹالز کا تفصیلی جائزہ لیا۔ اس موقع پر ڈپٹی کمشنر نے اشیائے خوردونوش کی پرائس لسٹیں دستیابی،کوالٹی اور قیمتوں کا جائزہ لیا۔ ڈپٹی کمشنر نے مارکیٹ کمیٹی کے افسران اور دوکانداروں کو ہدایت کی.
کہ رمضان سہولت بازار بند ہونے تک تمام چیزوں کی وافر دستیابی کو موجو ہونا چاہیے تا کہ لوگ زیادہ سے زیادہ سستی اشیاء خرید سکیں۔اس موقع پر ڈپٹی کمشنر نے مختلف خریداروں سے اشیاء کی کوالٹی اور قیمتوں بارے فیڈ بیک بھی لیا۔ جس پر انہوں نے سستی اشیاء کی فراہمی پر اطمینان کا اظہار کیا۔
