بیروت (روشن پاکستان نیوز) اسرائیل کے جنگی طیاروں کی گزشتہ رات لبنان میں فضائی حملوں میں 5 افراد ہلاک اور 20 افراد زخمی ہو گئے ہیں۔
یہ حملہ اسرائیل کی جانب سے مشرقی لبنان کے اندر اسی طرح کے حملوں کے 24 گھنٹے بعد کیے گئے ہیں جس میں اسرائیل کی جانب سے حزب اللہ کے ایک اعلی کمانڈر کی ہلاکت کے بعد کشیدگی میں اضافہ ہوا ہے۔
لبنان کی وزارت صحت کی جانب سے جاری تازہ ترین اعداد و شمار میں کہا گیا ہے کہ ‘بیکا’ وادی پر اسرائیلی دشمن کے حملوں میں ایک شخص ہلاک اور 20 زخمی ہوئے۔
بیان میں کہا گیا ہے کہ ایک شخص کی حالت تشویشناک ہے جبکہ آٹھ بچے اور ایک حاملہ خاتون معمولی طور پر زخمی ہیں۔
حزب اللہ کے ایک ذرائع نے نام ظاہر نہ کرنے کی شرط پر بتایا کہ مشرقی لبنان میں بالبیک شہر کے قریب متعدد حملے کیے گئے جن میں نبی شیٹ گاؤں بھی شامل ہے۔
ایک مقامی ہسپتال کے ذرائع نے غیر ملکی خبر رساں ادارے کو بتایا کہ زخمی ہونے والوں میں 10 سال سے زیادہ عمر کے پانچ بچے بھی شامل ہیں جن کا تعلق ایک ہی خاندان سے ہے
مزید پڑھیں: غزہ: اسرائیلی فوج کا 7 اکتوبر کو اغوا کیے جانیوالے 6 مغویوں کی لاشیں برآمد کرنے کا دعویٰ
