بہاولپور پی ایچ اے کے علم میں لائے بغیر رات کے اندھیرے میں درختوں کی بلا اجازت کٹائی کی گئی ہے۔

بہاولپور (اعجاز ملک سے )زاتی مفاد اور چند ٹکوں کی خاطر سرکاری ادارے ” پاکستان ہارٹیکلچر اتھارٹی ” ( پی ایچ اے ) بہاولپور نے وزیراعظم کے ویژن ” گرین و سر سبز پاکستان ” کی دھجیاں اُڑا دیں ـ
پی ایچ اے بہاولپور نے ایک نجی کمرشل پلازہ/ مال کو بجلی کے کھمبوں پر الیکٹرونک تشہیر کے لیے ( ایل ای ڈی ) ڈسپلے لگانے کا ٹھیکہ نیلام کیاـ
پی ایچ اے کی ملی بھگت سے ڈسپلے کا ویو دور تک نظر آنے کے لیے نئے تعمیر ہونے والے نجی پلازہ / مال کے عملے نے غیر قانونی طور پر سرائیکی چوک تا کلمۂ چوک دو رویہ سڑک کی گرین بیلٹ کے تمام درخت کاٹ دیئے ـ

علاقہ مکینوں میں شدید غم و غصہ پایا جاتا ہے، جبکہ گورنمنٹ کے حامی افراد کا کہنا ہے کہ یہ فعل وزیراعظم کے ویژن کے خلاف اور گورنمنٹ کو بدنام کرنے کی سازش ہے ـ
موقف جاننے کے لیے جب ( پی ایچ اے)کے ذمہ داران سے اس بارے میں تفصیل مانگی گئی تو اُن کا کہنا تھا کہ ہم نے صرف ڈسپلے آویزاں کرنے کی نیلامی کی ہے، جبکہ ( پی ایچ اے) کے علم میں لائے بغیر رات کے اندھیرے میں درختوں کی بلا اجازت کٹائی کی گئی ہے، جس پر ہم نے استفسار کیا کہ تین روز گزر گئے ابھی تک انکے خلاف کاروائی کیوں نہیں کی گئی تو بتایا گیا متعلقہ سیکشن کاروائی عمل میں لا رہا ہے۔
درخت اور ماحول دوست کمیونٹی اور ورکرز سے روشن پاکستان نیوز نے اس بُرے عمل پر احتجاج ریکارڈ کرانے کی گزارش کی ہے کیونکہ اگر یہ سلسلہ چل نکلا تو تھمنے کا نہیں کے گا اور شہر کی ساری سڑکوں سے درخت کٹ جائیں گے ـ
بہاولپور کے سیاسی سماجی حلقوں نے تشویش کا اظہار کرتے ہوئے کہا ہے کہ انتظامیہ، ممبران اسمبلی و دیگر ذمہ دارن سے پُر زور مطالبہ ہے کہ اس معاملہ کو فوری اپنے ہاتھ میں لے کر انکوائری کرائی جائے تاکے ذمہ داروں کا تعین کر کے انکے خلاف کاروائی عمل میں لائی جائے۔

اپنا تبصرہ بھیجیں