پشاور(روشن پاکستان نیوز) خیبرپختونخوا حکومت نے صوبے میں ہر قسم کی بھرتیوں پر عائد پابندی ختم کردی ہے۔
وزیراعلی خیبرپختونخوا علی امین گنڈاپور کی ہدایت پر صوبے میں بھرتیوں پر عائد پابندی ختم کی گئی ہے۔
اس حوالے سے وزیراعلیٰ سیکرٹریٹ نے چیف سیکرٹری کو مراسلہ ارسال کردیا ہے۔ مراسلے میں بتایا گیا ہے کہ وزیراعلیٰ نے بھرتیوں پر لگائی گئی پابندی ہٹانے کے احکامات جاری کیے ہیں۔
واضح رہے کہ علی امین گنڈا پور نے اقتدار سنبھالنے کے بعد دو مارچ کو پابندی عائد کی تھی ۔
علاوہ ازیں وزیر اعلیٰ خیبر پختونخوا علی امین گنڈاپور کی زیر صدارت کابینہ اجلاس ہوا جس میں ڈی آئی خان کی سب ڈویژن کلاچی میں پولیس کیلئے 565 آسامیوں کی تخلیق کی منظوری دی گئی۔
مزید پڑھیں: پی ٹی آئی سپورٹرز کاشیر افضل مروت کے ساتھ بھرپوریکجہتی کااعلان
پشاورکی طرز پر دیگر ڈیویژنل ہیڈ کوارٹرز میں بھی ٹریفک وارڈن نظام متعارف کرنے کی منظوری دی گئی، ٹریفک وارڈن سسٹم کیلئے 1179 پوسٹوں کی تخلیق کی جائے گی۔
علاوہ ازیں اسلام آباد اور ایبٹ آباد میں کے پی ہاؤسز اور پشاور میں شاہی مہمان خانہ کے کرایوں میں 100 فیصد اضافہ کی منظوری بھی دیدی گئی۔
