ریاض (روشن پاکستان نیوز) مسجدالحرام اور مسجد نبویﷺ میں شب قدر کی تلاش میں تیسری طاق رات پر خصوصی عبادات کا اہتمام کیا گیا جس میں لاکھوں نمازیوں نے شرکت کی۔

رمضان المبارک کے آخری عشرے کی 25 ویں شب کے موقع پر مسجدالحرام اور مسجد نبویﷺ میں 25 لاکھ سے زائد نمازی شریک ہوئے اور نوافل ادا کئے۔

مزید پڑھیں: پنجاب میں اسکول، کالجز و جامعات میں عیدالفطر کی تعطیلات کا اعلان

مسجدالحرام اور مسجدنبوی ﷺکی چھتوں،صحن اور ارد گردشاہراہوں،کلاک ٹاور میں نمازیوں کا بھرپور رش دیکھا گیا، طواف وعمرہ کے بعد نماز تراویح، قیام اللیل اور اجتماعی دعائوں کیلئے نمازیوں کی بڑی تعداد شریک ہوئی۔

اس موقع پرزائرین کے تحفظ کے لئے 20 ہزار پبلک سکیورٹی فورس کے اہلکار مصروف عمل رہے، فورس نے ہجوم کی کنٹرول و منظم کرنے کے لئے راہداری کی نگرانی کی۔

فورس نے ٹریفک کی روانی، نقل وحرکت کو یقینی بنانے کے لئے جدید ترین ٹیکنالوجی اور مواصلاتی نظام کا استعمال کیا۔