سڈنی(روشن پاکستان نیوز) آئی سی سی ٹی ٹوئنٹی ورلڈکپ 2028 کے لیے آسٹریلیا اور نیوزی لینڈ کے 14 شہروں نے میچز کی میزبانی کی پیشکش کردی۔
آسٹریلوی میڈیا کے مطابق آئی سی سی ٹی ٹوئنٹی ورلڈکپ 2028 کے مشترکہ میزبان آسٹریلیا اور نیوزی لینڈ ہیں اور ٹی 20 ورلڈ کپ 2028 اکتوبر نومبر میں شیڈولڈ ہے۔
میڈیا رپورٹس کے مطابق ٹی ٹوئنٹی ورلڈکپ کے منتظمین نے میچز کی میزبانی کے پیشکشیں طلب کی تھیں، دونوں مشترکہ میزبان ممالک کے 14 شہروں نے میزبانی کی خواہش ظاہر کی ہے، تاہم منتظمین میچز کے لیے 8 سے 10 شہروں کا انتخاب کریں گے جبکہ 6 شہروں کی میزبانی کرنے کی خواہش پوری نہیں ہو سکے گی۔
امریکا، ایران کشیدگی: جنگ کسی کے مفاد میں نہیں، مذاکرات ہی واحد راستہ ہیں، سحر کامران
آسٹریلوی میڈیا کا کہنا ہے کہ آئی سی سی کی گائیڈ لائنز کے مطابق منتظمین شہروں کا انتخاب کریں گے، آئی سی سی لاجسٹک کے معاملے پر توازن رکھنا چاہتی ہے، زیادہ پھیلاؤ نہیں چاہتی، کم شہروں سے دو نوں ممالک میں آپریشنز اور شیڈولنگ میں آسانی ہوگی۔
آسٹریلوی میڈیا رپورٹس کے مطابق کم شہروں کی وجہ سے ٹیموں اور فینز کو سفر بھی کم کرنا پڑے گا، آئی سی سی ٹی ٹوئنٹی ورلڈکپ فائنل کی میزبانی میلبرن کرکٹ گراونڈ کو ملے گی۔
