اسلام آباد(روشن پاکستان نیوز) حکومت نے پی آئی اے سمیت اہم اداروں کی نجکاری کےعمل کو تیز کرنے کا اعلان کردیا۔
وفاقی وزیر خزانہ کی جانب سے پیش کی جانے والی بجٹ تقریر میں کہا کہ قومی اداروں کی نجکاری حکومت کی اہم ترجیح ہے، پی آئی اے کے ساتھ دیگراداروں کی بھی نجکاری ہوگی۔
انہوں نے کہا کہ روز ویلٹ ہوٹل، ہاؤس بلڈنگ فنانس کارپوریشن اورفرسٹ ویمن بینک جیسے اداروں کی نجکاری میں بھی تیزی لائی جائے گی۔
وزیر خزانہ نے کہا کہ 12 کمپنیاں پی آئی اے کی نجکاری میں دلچسپی کا اظہارکرچکی ہیں، اگست 2024 کے پہلے ہفتے میں قومی ایئرلائن کی بولی لگائی جائے گی، ملک کے بڑے ہوائی اڈوں کو بھی آؤٹ سورس کیا جائے گا۔
مزید پڑھیں: ایس آئی ایف سی ایپکس کمیٹی اجلاس، اداروں کی نجکاری اور بیرونی سرمایہ کاری پر اطمینان کا اظہار
بجٹ دستاویزات کے مطابق سب سے پہلے اسلام آباد انٹرنیشنل ایئرپورٹ کی نجکاری ہوگی، جس کے لیے پندرہ جولائی تک بولیاں وصول کی جائیں گی۔
لاہوراورکراچی ایئرپورٹس کی نجکاری کے عمل کا آغازچند ماہ بعد کیاجائےگا۔
