اسلام آباد(روشن پاکستان نیوز) اسلام آباد ہائیکورٹ نے جیل انتظامیہ کی 18 جولائی کے عدالتی حکم پر نظر ثانی کی متفرق درخواست اور بانی پی ٹی آئی کی جیل انتظامیہ کیخلاف توہین عدالت کی درخواست 13 ستمبر کو سماعت کے لیے مقرر کر دی۔
اسلام آباد ہائیکورٹ نے جیل انتظامیہ کی جانب سے بانی پی ٹی آئی عمران خان سے ملاقاتیوں کو نہ ملنے دینے کے معاملے پر سماعت کی۔
عدالت نے جیل انتظامیہ کی نظر ثانی کی درخواست کو توہین عدالت کے مرکزی کیس کے ساتھ یکجا کر دیا۔ جیل انتظامیہ کی جانب سے اسٹیٹ کونسل عمر ایڈووکیٹ نے بانی پی ٹی آئی اور جیل انتظامہ کے درمیان طے شدہ ایس او پیز کا ریکارڈ عدالت میں پیش کیا۔
عدالت نے متفرق درخواست پر نوٹس جاری کرتے ہوئے کیس کی سماعت تیرہ ستمبر تک ملتوی کر دی۔ عدالت نے ایس او پیز کا ریکارڈ وکلاء کو فراہم کرنے کی ہدایت بھی دی۔
مزید پڑھیں: عمران خان اور مسلم لیگ ن مذاکرات کیلئے تیار ہیں ، فواد چوہدری کا دعویٰ
