خیبر(روشن پاکستان نیوز) خیبر میں دہشت گردوں نے تھانہ باڑہ کی حدود میں واقع برقمبر تکیہ چوکی پر بھاری ہتھیاروں سے حملہ کیا، تاہم پولیس نے فوری جوابی کارروائی کرتے ہوئے حملے کو پسپا کر دیا۔
پولیس کے مطابق دہشت گردوں نے رات کی تاریکی کا فائدہ اٹھاتے ہوئے چوکی کو نشانہ بنایا، لیکن مستعد اہلکاروں نے بھرپور دفاع کرتے ہوئے حملہ ناکام بنا دیا۔
مزید پڑھیں: جنوبی وزیرستان میں پاک فوج کی پوسٹ پر خوارج کا حملہ ناکام بنادیا گیا، متعدد دہشتگرد ہلاک
واقعے کی اطلاع ملتے ہی پولیس کی بھاری نفری جائے وقوعہ پر روانہ ہو گئی، جبکہ علاقے کو گھیرے میں لے کر سرچ آپریشن شروع کر دیا گیا ہے۔
پولیس حکام کا کہنا ہے کہ حملہ آوروں کی تلاش جاری ہے اور کسی بھی ناخوشگوار صورتحال سے نمٹنے کے لیے سیکیورٹی سخت کر دی گئی ہے۔
