واشنگٹن(روشن پاکستان نیوز)ٹرمپ کی مقبولیت کا گراف تیزی سے بڑھنے لگا ، کیا بائیڈن دوبارہ صدر بن پائیں گے؟امریکا میں صدارتی انتخابات سے قبل صدارتی انتخاب کی دوڑ میں شامل امیدواروں کی عوامی مقبولیت سے متعلق نیا سروے جاری کردیا گیا ہے۔
مزید پڑھیں: پوری دنیا کہہ رہی ہے پاکستان میں شفاف الیکشن نہیں ہوئے ،بیرسٹر گوہر
امریکی جریدے نیو یارک ٹائمز کی جانب سے جاری کیے گئے سروے میں بتایا گیا ہے کہ، صدارتی انتخاب کی دوڑ میں شامل سابق امریکی صدر ڈونلڈ ٹرمپ کی مقبولیت کا گراف تیزی سے بڑھنے لگا ہے۔سروے کے مطابق 48 فیصد ووٹرز ڈونلڈ ٹرمپ جبکہ 43 فیصد جوبائیڈن کو ووٹ دینے کے حامی ہیں۔سروے کے مطابق ڈیموکریٹس کی بڑی تعداد بھی جو بائیڈن کی پرفارمنس سے غیر مطمئن دکھائی دیتی ہے اوربائیڈن کے بجائے کسی اور کو صدارتی امیدوار دیکھنے کی خواہش مند ہیں۔
