اسلام آباد( روشن پاکستان نیوز)جموں و کشمیر کوآپریٹو ہاؤسنگ سوسائٹی کے چیئرمین ضیاء اللہ شاہ نے کہا ہے کہ وقت نے سوسائٹی کے آئی بی ای سی ایچ ایس میں انضمام کا ہمارا فیصلہ درست ثابت کیا ہے ،2011ء میں اس سکیم کو نئے سرے سے ترتیب دیکر ری لاؤنچ کرنے سے اسے بھرپور پذیرائی ملی،ضیاء اللہ شاہ نے ان خیالات کا اظہار جموں و کشمیر کوآپریٹو ہاؤسنگ سوسائٹی کے ایس جی ایم اجلاس سے خطاب کرتے ہوئے کیا، انکا مزید کہنا تھا کہ آج ایک تاریخ ساز دن ہےکیونکہ جموں و کشمیر کوآپریٹو ہاؤسنگ سوسائٹی کے زون فور اور فائیو میں واقع ایگرو فارومنگ اسکیموںکے آئی بی ای سی ایچ ایس میں انضمام کے حوالے سے ایک اہم سنگ میل عبور کر لیا گیا ہے،اسلام آباد کے موضع جات پیجا، پنڈ ملکاں اور بھبر تراڑکا مجموعی رقبہ 40 سے 50 ہزار کنال کے درمیان ہےجس میں سے لگ بھگ 5500 کنال زمین جموں و کشمیر کوآپریٹو ہاؤسنگ سوسائٹی کا خرید کردہ ہے،سوسائٹی کی جانب سے یہ خریداری 20024 سے 2016 کے درمیان کی گئی ہے، یہ مذکورہ زمین چھوٹے چھوٹے ٹکڑوں میں پھیلی ہوئی ہے جس کی وجہ سے اس زمین کو موجودہ شکل میں ڈویلپ کیا جانا کسی صورت ممکن نہ تھا کیونکہ اس کے اردگرد کی زمین آئی بی ای سی ایچ ایس نے خرید رکھی ہے،اس بات کو مدنظر رکھتے ہوئے سوسائٹی انتظامیہ نے انضمام کا فیصلہ کیا جو درست ثابت ہوا،اللہ سے دعا ہے کہ وہ ہمیں آنے والے مراحل کو بھی خوش اسلوبی سے مکمل کرنے کی توفیق عطا فرمائے، اس موقع پر سوسائٹی کے سیکرٹری سردار سبیل ممتاز خان نے مذکورہ سکیموں کے انضمام کے اسباب و محرکات اور اب تک کئے جانیوالے اقدامات اور آئندہ کے لائحہ عملی کے بارے میں ممبران کو آگاہ کیا،ممبران نے سوسائٹی انتظامیہ کی جانب سے انضمام کے فیصلے کی بھرپور تائید کی، ایس جی ایم اجلاس میں ممبران کی کثیر تعداد نے شرکت کی۔