لاہور(روشن پاکستان نیوز) لاہور سے کراچی جانے والی کراچی ایکسپریس حادثے سے بال بال بچ گئی۔
ہم نیوز کے مطابق حیدر آباد کے قریب کراچی ایکسپریس کی پاور وین کی پن ٹوٹ گئی،رفتار کم ہونے کے باعث ٹرین حادثے کا شکار ہونے سے بچ گئی،کراچی ایکسپریس کو حیدر آباد اسٹیشن پر ہی روک لیا گیا۔
ترجمان ریلویز کا کہنا ہے کہ کراچی ایکسپریس کی پاور وین کی پن کو مرمت کر دیا گیا،واقعہ میں تمام مسافر محفوظ رہے،ٹرین منزل کی جانب روانہ کردی گئی ہے۔
لگژری سیلونز کے کرایوں میں کمی
پاکستان ریلوے نے اہم قدم اٹھاتے ہوئے لگژری سیلونز کے کرائے کم کر دیے ہیں،مسافر اب وزیر ریلوے، آئی جی، سی ای او اور چیئرمین ریلویز کے سیلونز میں سفر کر سکیں گے۔
مزید پڑھیں: چیف ایڈوائزر بنگلہ دیش کی وزیر مملکت خزانہ و ریلوے سے ملاقات، اقتصادی اور سفارتی تعلقات مضبوط بنانے پر اتفاق
کراچی تا راولپنڈی لگژری سیلونز کا کرایہ 5 لاکھ سے کم کر کے ایک لاکھ 72 ہزار روپےمقررکردیا گیا،کراچی تا لاہور لگژری سیلونز کا کرایہ 4 لاکھ 20 سے کم کر کے ایک لاکھ 50 ہزار روپے کر دیا گیا۔
اسی طرح لاہور سے راولپنڈی کا کرایہ ایک لاکھ 5 ہزار سے کم کر کے 44 ہزار روپے کر دیا گیا،ترجمان پاکستان ریلویز کا کہنا ہے کہ وزیر ریلوے کی ہدایت پر ریلوے سیلونز کے کرایوں میں واضح کمی کی گئی ۔بکنگ چیف کمرشل منیجر ہیڈکوارٹرز اور ڈویژنل دفاتر سے کی جا سکے گی۔
