اسلام آباد (روشن پاکستان نیوز)ویسٹ منسٹر انٹرنیشنل اسکول اور ویسٹ منسٹر اکیڈمی اسلام آباد نے 28 نومبر 2025ء کو اپنے ایچ-8 کیمپس میں نہایت شاندار اور بے حد متوقع فوڈ فیسٹیول 2025ء کا کامیاب انعقاد کیا۔ اس سال کا فیسٹیول ثقافتی تنوع، ذائقوں کی رنگا رنگی اور باہمی ہم آہنگی کی حقیقی روح کا حسین امتزاج تھا۔ جڑواں شہروں سے تعلق رکھنے والے سات ہزار سے زائد شرکاء، جن میں متعدد معزز شخصیات اور سفارت کار بھی شامل تھے، نے اس تقریب کو عالمی ذائقوں، متنوع ثقافتوں اور اتحاد و ہم آہنگی کا خوب صورت مظہر بنا دیا۔فیسٹیول میں بین الاقوامی اور مقامی کھانوں کی غیر معمولی ورائٹی پیش کی گئی، جس سے مہمانوں کو دنیا بھر کے ذائقوں سے لطف اندوز ہونے کا موقع ملا۔ اس کے ساتھ ساتھ براہِ راست موسیقی اور ثقافتی پروگرامز نے محفل میں رنگ، سُر اور خوشی بکھیر دی، جو ویسٹ منسٹر کے تخلیقی اور ہم آہنگ ماحول کی عکاسی کرتے تھے۔ بچوں کے لیے خصوصی تفریحی زونز قائم کیے گئے، جہاں مختلف کھیل اور سرگرمیاں موجود تھیں، جس سے ننھے شرکاء محظوظ ہوتے رہے۔تعلیمی پہلو کو اجاگر کرنے کے لیے طلبہ کی جانب سے تیار کردہ ستر سے زائد پاورپوائنٹ پریزنٹیشنز پیش کی گئیں، جن میں ویسٹ منسٹر کے طلبہ کی عالمی تحقیق اور علمی سرگرمیوں کو نمایاں کیا گیا۔ پرائمری کے طلبہ نے بھی کلچرل واک میں بھرپور شرکت کی اور مختلف ممالک کے روایتی لباس پہن کر ان ممالک سے متعلق اپنے مطالعے کو عملی شکل دی۔ بہترین پریزنٹیشنز پر انعامات بھی تقسیم کیے گئے، جس سے مختلف جماعت کے طلبہ کی تخلیقی اور تعلیمی کوششوں کو سراہا گیا۔روایت کے مطابق فوڈ فیسٹیول 2025ء محض ایک تفریحی تقریب ہی نہیں تھی بلکہ خدمتِ خلق کا ایک مؤثر ذریعہ بھی ثابت ہوئ ۔ ٹکٹوں کی فروخت اور کھیلوں کے اسٹالز سے حاصل ہونے والی تمام دقم فلاحی مقاصد کے لیے مختص کی گئی۔ اس سال کا فیسٹیول واقعی ایک یادگار شام ثابت ہوا، جو ثقافت، ذائقوں، مسکراہٹوں اور مقصد سے بھرپور تھی اور جس نے تعلیم، کمیونٹی اور سماجی ذمے داری کے لیے ویسٹ منسٹر کے عزم کی بھرپور عکاسی کی۔ویسٹ منسٹر انٹرنیشنل اسکول اور اکیڈمی اپنے اس مشن پر ثابت قدم ہے کہ وہ ایک ہمہ جہت، متحرک اور معیاری تعلیم فراہم کرے جو تخلیقی صلاحیتوں، ذمہ دhاری کے احساس اور ثقافتی آگاہی کو فروغ دے۔ فوڈ فیسٹیول جیسے پروگرامز کے ذریعے ویسٹ منسٹرکے طلبہ، اساتذہ اور وسیع تر معاشرے کے لیے سیکھنے اور مثبت نشوونما کے مواقع پیدا کرتا رہے گا۔
