ٹیکساس (روشن پاکستان نیوز) امریکی ریاست ٹیکساس میں بم بنانے کا دعویٰ کرنے والے افغانستان کے شہری کو گرفتار کرلیا گیا۔
امریکی میڈیا کے مطابق افغان شہری کو منگل کے دن ڈپارٹمنٹ آف ہوم لینڈ سکیورٹی نے حراست میں لیا اور اس پر مقدمہ چلایا جا رہا ہے۔
افغان شہری کی شناخت محمد داؤد الوک زئی کے نام سے ہوئی ہے، محمد داؤد بھی آپریشن الائیز ویلکم کے تحت امریکا لایا گیا تھا۔
امریکی میڈیا کے مطابق محمد داؤد الوک زئی کو 7 ستمبر 2022 کو امریکا میں مستقل رہائش (گرین کارڈ) دیا گیا تھا۔
مزید پڑھیں: امریکہ میں صدر ٹرمپ کیخلاف ہر ریاست میں بڑے پیمانے پر مظاہرے
گرفتار کئے گئے افغان باشندے نے ٹک ٹاک ویڈیو پوسٹ کی تھی جس میں اس نے بم بنانے کا دعویٰ کیا تھا اور کہا تھا کہ وہ فورٹ ورتھ شہر کو نشانہ بنائے گا۔
