اسلام آباد(عرفان حیدر) اینٹی نارکوٹکس فورس (اے این ایف) نے ملک بھر میں تعلیمی اداروں کے اطراف اور دیگر شہروں میں منشیات کی اسمگلنگ کے خلاف کارروائیاں کی ہیں۔ 10 مختلف آپریشنز کے دوران 8 ملزمان گرفتار کیے گئے جبکہ تقریبا 65 لاکھ روپے مالیت کی 73.849 کلوگرام منشیات برآمد کی گئی۔

تعلیمی اداروں میں کارروائیاں:

• موٹروے ٹول پلازہ اسلام آباد کے قریب مسافر بس سے 1.2 کلوگرام چرس برآمد۔

• فاروق اعظم کالونی اٹک میں یونیورسٹی کے قریب ملزم سے 47 گرام ہیروئن اور 42 گرام آئس برآمد۔

• گرفتار ملزمان نے اعتراف کیا کہ وہ تعلیمی اداروں کے طلباء کو منشیات فروخت کرتے تھے۔

دیگر اہم کارروائیاں:

• کسٹم چوک پشاور کے قریب ملزم سے 2 کلوگرام چرس برآمد۔

• بنجی چیک پوسٹ گلگت کے قریب سوزوکی پک اپ سے 7.2 کلوگرام چرس برآمد، 2 ملزمان گرفتار۔

• سبزی منڈی بازار گلگت کے قریب ملزم سے 7.2 کلوگرام چرس برآمد۔

• چکلالہ راولپنڈی میں برطانیہ سے بھیجے گئے پارسل سے 30 گرام ویڈ برآمد۔

• موٹروے ٹول پلازہ اسلام آباد کے قریب گاڑی سے 4.8 کلوگرام افیون اور 25.2 کلوگرام چرس برآمد، ملزم گرفتار۔

• گوجرانوالہ میں کوریئر آفس سے پشاور بھیجا گیا پارسل سے 200 گرام ویڈ برآمد۔

• موریا پل گوجرانوالہ کے قریب رکشہ سے 3.6 کلوگرام افیون اور 21.6 کلوگرام چرس برآمد، ملزم گرفتار۔

• حیدرآباد میں نیوزی لینڈ بھیجے گئے پارسل سے 730 گرام آئس برآمد۔

تمام گرفتار شدگان کے خلاف انسداد منشیات ایکٹ 1997 کے تحت مقدمات درج کر کے مزید تحقیقات کا آغاز کر دیا گیا ہے۔

مزید پڑھیں: راولپنڈی پولیس کی مؤثر کارروائیاں، جرائم پیشہ عناصر کے خلاف کریک ڈاؤن، متعدد گرفتاریاں اور سزائیں

یہ کارروائیاں تعلیمی اداروں اور شہروں میں منشیات کے بڑھتے ہوئے رجحان کو کنٹرول کرنے کی کوششوں کا حصہ ہیں۔