استبول(روشن پاکستان نیوز) ترکیہ میں شدید زلزلے کے نتیجے میں متعدد عمارتوں کو نقصان پہنچا تاہم فوری طور پر کسی جانی نقصان کی اطلاع نہیں ملی۔

رپورٹس کے مطابق ترکیہ کے مغربی حصے میں آنے والے زلزلے کی شدت 6.1 ریکارڈ کی گئی جس کا مرکز  بالیکسیر صوبے کے قصبے سندرگی میں تھا جبکہ گہرائی 6 کلو میٹر ریکارڈ کی گئی۔

رپورٹس کے مطابق زلزلے کے جھٹکے استنبول، بورصہ، مانیسا اور  ازمیر سمیت کئی شہروں میں محسوس کیے گئے ، سندرگی میں متعدد عمارتوں کو نقصان پہنچا۔ زلزلے سے شدید خوف و ہراس پھیل گیا اور شہری خوفزدہ ہو کر گھروں سے باہر نکل آئے۔

مزید پڑھیں:پاکستان کا بھارت سے ملنے والی اپنی فضائی حدود 2روز بند کرنے کا فیصلہ

یاد رہے کہ اگست میں بھی اسی علاقے میں 6.1 شدت کا زلزلہ آیا تھا جس کے نتیجے میں ایک شخص جاں بحق اور درجنوں زخمی ہوئے تھے۔