کراچی (روشن پاکستان نیوز): پاکستان ٹیلی کمیونیکشن اتھارٹی نے پاکستانی شہریوں کے لیے اہم انتباہ جاری کرتے ہوئے ہوشیار رہنے کی ہدایت کی ہے۔
پاکستان ٹیلی کمیونیکیشن اتھارٹی کا کہنا ہے کہ پاکستانی عوام کو ہدایت کی ہے کہ وہ اپنے انگوٹھے اور انگلیوں کے نشانات فراہم کرتے ہوئے انتہائی محتاط رہیں۔
پی ٹی اے اعلامیہ میں کہا گیا ہے کہ جعلساز شہریوں کو مختلف جھانسے دے کر ان کے فنگر پرنٹس حاصل کر رہے ہیں۔ ان کا خاص ہدف سادہ لوح افراد اور خواتین ہیں، جن کو وہ فری سم کارڈ یا امدادی اسکیم کا جھانسہ دے کر ان کے فنگر پرنٹس حاصل کر لیتے ہیں۔ دھوکا دہی کے ذریعہ حاصل کردہ یہ سمیں عموماً سنگین قسم کے جرائم میں استعمال کی جاتی ہیں۔
پی ٹی اے کا کہنا ہے کہ اپنی سم کسی اور کو دینا قانونی جرم ہے کیونکہ آپ کے نام پر رجسٹرڈ سم سے جرم بھی ہو سکتا ہے۔
مزید پڑھیں: حج کیلئے اپلائی کرنیوالے 3 لاکھ افراد کا ڈیٹا ڈارک ویب پر آگیا، چیئرمین پی ٹی اے کا انکشاف
چیک کریں کہ کتنی سمیں آپ کے شناختی کارڈ پر ہیں۔ اس کے لیے اپنا قومی شناختی کارڈ نمبر 668 ایس ایم ایس کریں اور نامعلوم سم کو فوری طور پر بلاک کرائیں۔
پی ٹی اے کا کہنا ہے صارفین مزید معلومات کے لیے 0800-55055 (ٹول فری نمبر) یا ویب سائٹ pta.gov.pk پر رابطہ کریں۔
