ٹوکیو(روشن پاکستان نیوز) جاپان کے مختلف علاقوں میں زلزلے کے شدید جھٹکے محسوس کیے گئے جس کی شدت ریکٹر اسکیل پر 6 ریکارڈ کی گئی۔
زلزلے کی گہرائی 10 کلومیٹر زیر زمین بتائی گئی ہے۔ خبرایجنسی کے مطابق زلزلے کے جھٹکوں کے باعث کئی شہروں میں عمارتیں ہل گئیں اورشہری خوفزدہ ہوکر گھروں اوردفاتر سے باہر نکل آئے۔
ابھی تک کسی جانی یا مالی نقصان کی اطلاع موصول نہیں ہوئی تاہم حکام نے ہنگامی الرٹ جاری کرتے ہوئے ریسکیو ٹیموں کوکسی بھی صورتحال سے نمٹنے کے لیے تیار رہنے کی ہدایت کر دی ہے۔
مزید پڑھیں: افغانستان میں خوفناک زلزلہ – 500 سے زائد جاں بحق، 1300 سے زائد زخمی
ماہرین ارضیات نے کہا ہے کہ یہ جھٹکے آفٹر شاکس کا سلسلہ بھی ہو سکتے ہیں، اس لیے شہریوں کومزید جھٹکوں کے لیے محتاط رہنے کی ضرورت ہے۔
زلزلے کے بعد متاثرہ علاقوں میں بجلی اورانٹرنیٹ سروس عارضی طورپرمتاثرہوئی، حکومت نے عوام سے اپیل کی ہے کہ افواہوں پر کان نہ دھریں اور سرکاری ہدایات پرعمل کریں۔
