اسلام آباد(روشن پاکستان نیوز) قومی کرکٹ ٹیم کے سابق فاسٹ باؤلر محمد آصف نے بھارتی اوپنر ابھیشیک شرما کو آؤٹ کرنے کا فارمولا بتا دیا۔
سابق فاسٹ باؤلر محمد آصف نے اپنے ایک انٹرویو میں کہا کہ اچھی لینتھ پر لگاتار 3 گیندیں گرا دیں۔ تو میں گارنٹی دیتا ہوں کہ ابھیشیک شرما آؤٹ ہو جائے گا۔ ایک ہی جگہ پر گیند کریں، باؤنڈری بھی لگ جائے تو بھی اپنا پلان تبدیل نہ کریں۔
انہوں نے کہا کہ کون بندہ پہلی گیند باؤنسر کرواتا ہے۔ لیکن شاہین آفریدی نے ابھیشیک کو پہلی ہی گیند باؤنسر کرا دی تھی۔
واضح رہے کہ ایشیا کپ 2025 میں بھارتی کھلاڑی ابھیشیک شرما کی پرفارمنس بہترین ہے۔ اور سری لنکا کے خلاف گزشتہ میچ میں انہوں نے 31 گیندوں پر 61 رنز کی بہترین اننگز کھیلی۔
ابھیشیک شرما ٹی 20 ایشیا کپ کے ایک ایڈیشن میں 300 سے زائد رنز بنانے والے پہلے بلے باز بن گئے۔ وہ ابھی تک 6 میچز میں 309 رنز بناچکے ہیں۔ جبکہ اس سے قبل ٹی 20 ایشیا کپ کے ایک ایڈیشن میں سب سے زیادہ رنز بنانے کا اعزاز پاکستانی بلے باز و وکٹ کیپر محمد رضوان کے پاس تھا۔
یہ بھی پڑھیں:ایشیا کپ فائنل: پاکستان کیخلاف میچ سے قبل بھارتی کوچ کا 2 اہم کھلاڑیوں کی فٹنس پر خدشات کا اظہار
پاکستان اور بھارت کے خلاف کل بروز اتوار کو ایشیا کپ 2025 کا فائنل کھیلا جائے گا۔
