لاہور(کرائم رپورٹر) ماڈل ٹاؤن میں پولیس نے شوہر کو اپنی بیوی کا زیوار چرانے کے الزام میں گرفتار کرلیا۔

پولیس کے مطابق خاتون نے 2 سال پہلے دیپالپور کے رہائشی سے شادی کی تھی، خاتون کا کہنا تھا کہ گھر سے کسی نے 3 کروڑ روپے مالیت کے طلائی زیورات چوری کرلیے۔

خاتون کی درخواست پر تھانہ ماڈل ٹاؤن میں 80 تولہ طلائی زیورات کی چوری کا مقدمہ درج کیا گیا۔

پولیس نے حالات مشکوک جانتے ہوئے خاتون کے شوہر کو شامل تفتیش کیاجس نے  3 گھنٹے کی تفتیش کے بعد اعتراف جرم کرلیا۔

مزید پڑھیں: وزیر اعلیٰ خیبر پختونخوا علی امین گنڈاپور کو گرفتار کر کے پیش کرنے کا حکم

لاہور: پولیس نے ملزم کی نشاندہی پر گھر میں ہی چھپایا گیا  55 تولہ زیورات اور 15 لاکھ روپے برآمد کرلیے، پولیس کے مطابق ملزم باقی ریوز بیچ چکا ہے۔