اسلام آباد(روشن پاکستان نیوز) ماہرین نے ذیابیطس کی ایک نئی قسم کو دریافت کر لیا۔ جسے ٹائپ فائیو ذیابیطس کا نام دیا گیا ہے۔
غیر ملکی خبر رساں ایجنسی کے مطابق ماہرین نے کہا ہے کہ ذیابیطس کی ایک ایسی شکل بھی ہے جو کم اور متوسط آمدنی والے ممالک میں غذائی قلت کے شکار نوجوانوں کو متاثر کرتی ہے۔ اور یہ قسم طویل عرصے سے نظر انداز کی جاتی رہے ہے۔
اس سامنے آنے والی ذبابیطس کی نئی قسم کو بالآخر باضابطہ طور پر ٹائپ 5 ذیابیطس کے طور پر تسلیم کر لیا گیا ہے۔
انٹرنیشنل ذیابیطس فیڈریشن (آئی ڈی ایف) نے نئی دریافت ہونے والی بیماری کو ٹائپ 5 ذیابیطس کا نام دیا ہے۔ جو اس مہلک حالت کو سمجھنے اور علاج کرنے کی عالمی کوششوں میں ایک اہم موڑ ہے۔
ٹائپ 5 ذیابیطس جسے غذائیت سے متعلقہ ذیابیطس بھی کہا جاتا ہے۔ زیادہ تر دبلے پتلے نوعمروں اور نوجوان بالغوں کو ایشیا اور افریقہ جیسے خطوں میں متاثر کرتا ہے جہاں خوراک کا عدم تحفظ اور غربت بڑے پیمانے پر ہے۔
مزید پڑھیں: شعبہ صحت میں مختلف قسم کے مشاہدات و تجربات
ٹائپ 2 ذیابیطس کے برعکس، جو موٹاپے سے منسلک ہے اور ترقی پذیر ممالک میں ذیابیطس کے زیادہ تر کیسز کا سبب بنتا ہے، ٹائپ 5 ذیابیطس دائمی غذائیت کی وجہ سے ہوتی ہے۔
70 سال سے ریکارڈ کیے جانے کے باوجود، یہ مرض اکثر صحت کے پیشہ ور افراد کی جانب سے غیر تسلیم شدہ یا غلط سمجھا جاتا رہا ہے۔
