فیصل آباد (روشن پاکستان نیوز)فیصل آباد میں ڈاکوؤں نے شوہر کو باندھ کو بیوی کو زیادتی کا نشانہ بنا دیا۔
نجی ٹی وی کے مطابق فیصل آباد کے علاقے چنن پل کے قریب زرعی یونیورسٹی کی ملازمہ کو اجتماعی زیادتی کا نشانہ بنایا گیا، دو ڈاکوؤں نے میاں بیوی سے لوٹ مار کے بعد خاتون سے زیادتی کی۔
تھانہ ساندل بار پولیس نے متاثرہ شہری کی مدعیت میں مقدمہ درج کرلیا ہے۔
مدعی مقدمہ کا کہنا ہے کہ ملزمان موبائل فون اور نقدی چھین کر فرار ہوگئے، پولیس نے کارروائی کرتے ہوئے 6 مشتبہ افراد کو حراست میں لے لیا۔
تفتیشی حکام کا کہنا ہے کہ 2 ڈاکوؤں نے میاں بیوی سے لوٹ مار کے بعد خاتون سے زیادتی کی۔
مزید پڑھیں: سابق بشپ اینتھونی پئرس نے اپنے عہدے کا غلط استعمال کرتے ہوئے نوجوان لڑکے کے ساتھ جنسی زیادتی کی
ذرائع کا کہنا ہے کہ جس علاقے میں خاتون کو زیادتی کا نشانہ بنایا گیا وہ منشیات فروشوں کا گڑھ ہے اور لوگوں کے پاس یہاں پر غیرقانونی اسلحہ موجود ہوتا ہے جبکہ پولیس کی جانب سے ان علاقوں میں کوئی کارروائی نہیں کی گئی۔
متاثرہ جوڑے نے ڈکیتی اور زیادتی کے ایک ملزم کی نشاندہی کردی، متاثرہ جوڑے کی مدعیت میں علی شیرنامی ملزم کو نامزد کیا گیا ہے۔
مقدمے کے متن کے مطابق دو ڈاکوؤں کو فون کرنے پر آنے والا ساتھی علی شیر تھا، وہ بھی اجتماعی زیادتی کرنے والوں میں شامل تھا۔
