دبئی (روشن پاکستان نیوز) آئی سی سی نے چیمپئنز ٹرافی کی اختتامی تقریب میں پی سی بی آفیشل کی غیرموجودگی پروضاحت جاری کردی ہے۔
آئی سی سی کا کہنا ہے کہ چیئرمین پی سی بی محسن نقوی تقریب کیلئے دستیاب نہیں تھے،دوسری جانب ذرائع کا کہنا ہے کہ ٹورنامنٹ ڈائریکٹرز کو کبھی بھی پوڈیم پر مدعو نہیں کیا جاتا،جو آفیشل اسٹیج پر تھے وہ آئی سی سی ڈائریکٹرز تھے۔
قبل ازیں یہ خبر سامنے آئی تھی کہ پاکستان کرکٹ بورڈ نے چیمپئنز ٹرافی میں بدانتظامی پر آئی سی سی سے احتجاج ریکارڈ کرانے کا فیصلہ کیا ہے۔
ذرائع کے مطابق چیمپئنز ٹرافی کی اختتامی تقریب میں ٹورنامنٹ ڈائریکٹر اور پی سی بی کے سی او او سمیر احمد کو نظر انداز کیا گیا۔
مزید پڑھیں: چیمپئنز ٹرافی میں بدانتظامی، پی سی بی کا احتجاج ریکارڈ کرانے کا فیصلہ
فائنل میچ کے بعد اختتامی تقریب میں آئی سی سی چئیرمین، بی سی سی آئی اور نیوزی لینڈ کرکٹ بورڈ کے آفشیل موجود تھے لیکن میزبان پی سی بی کے آفیشل کو تقریب میں نہیں بلایا گیا۔
