اسلام آباد(روشن پاکستان نیوز) تحریک انصاف کے رہنما شیر افضل مروت نے صوابی جلسے میں قیادت کے سلوک پر ردعمل دیتے ہوئے کہا ہے کہ اگر قیادت میرے آنے پر ناخوش تھی تو پہلے بتا دیتی۔
میڈیا سے گفتگو کے دوران شیر افضل مروت کا کہنا تھا کہ بیٹھنے کیلئے مناسب جگہ ملی نہ ہی خطاب کا موقع دیا گیا ، میں صرف بانی پی ٹی آئی کی وجہ سے آیا تھا ، میرے جلسے جلوس میں شرکت سے قیادت کو مسئلہ ہو تو بتا دیں۔
خیال رہے کہ صوابی جلسے میں شیر افضل مروت کو اسٹیج پر بیٹھنے کی جگہ ملنے میں دشواری کا سامنا کرنا پڑا۔ شیر افضل کی اچانک آمد پر کارکنوں نے استقبال کیا تاہم انہیں خطاب کی دعوت نہیں دی گئی۔
مزید پڑھیں: پارٹی پالیسی کی خلاف ورزی ، شیر افضل مروت کو پھر شوکاز نوٹس
وزیراعلیٰ علی امین اپنی تقریر شروع ہونے سے قبل انہیں اسٹیج پر لے آئے اور انہیں مائیک دے دیا جس پر شیر افضل نے مختصر خطاب میں کہا کہ ہم برے لوگ ہیں برے وقت میں کام آتے ہیں، اچھے وقت میں ہمیں خاموش کروایا جاتا ہے۔
