کراچی(روشن پاکستان نیوز)پاکستانی جیولین تھرو کے ایتھلیٹ ارشد ندیم نے طلبہ کو 100 لیپ ٹاپ دینے کا اعلان کر دیا۔
کراچی میں گورنر ہاؤس میں جشنِ آزادی کے موقع پر گرینڈ شو کا اہتمام کیا گیا، جس میں ارشد ندیم نے بطور مہمانِ خصوصی شرکت کی۔جشنِ آزادی اور 40 برس بعد پاکستان کے اولمپکس میں طلائی تمغہ جیتنے کی خوشی میں منعقد ہونے والے اس گرینڈ شو میں عالمی شہرت یافتہ گلوکار عاطف اسلم نے شاندار پرفارمنس دی۔
مزید پڑھیں:ارشد ندیم کے کارنامے سے پوری دنیا دنگ رہ گئی ہے: وسیم اکرم
گورنر سندھ کامران ٹیسوری نے گزشتہ رات منعقد ہونے والے آزادی کے جشن میں شرکت کرنے والوں اور ارشد ندیم کو خراج تحسین پیش کرنے والوں کا شکریہ ادا کیا۔اس موقع پر پریس کانفرنس سے گفتگو کرتے ہوئے ارشد ندیم نے آئی ٹی کے طلبہ کو 100 لیپ ٹاپ بطور تحفہ دینے کا اعلان کیا۔انہوں نے کہا کہ میری طرف سے طلبہ کے لیے 100 لیپ ٹاپ کا تحفہ ہے، یہ گورنر سندھ کی مہربانی ہے جو انہوں نے مجھے اتنی عزت دی، پوری قوم مجھے بہت پیار و محبت دے رہی ہے۔
