راولپنڈی(کرائم رپورٹر) راولپنڈی پولیس کی جانب سے گرجا گھروں کی سیکورٹی کے لیے موثر انتظامات،راولپنڈی پولیس کے 400سے زائد افسران سیکورٹی کے فرائض سرانجام دے رہے ہیں، اقلیتوں کے حقوق کے تحفظ اور امن و امان کا قیام اولین ترجیح ہے جس کے لیے تمام وسائل بروئے کار لائے جارہے ہیں،سی پی او سید خالد ہمدانی۔
تفصیلات کے مطابق راولپنڈی پولیس کی جانب سے گرجا گھروں کی سیکورٹی کے لیے موثر انتظامات کیے گئے،راولپنڈی پولیس کے 400سے زائد افسران سیکورٹی کے فرائض سرانجام دے رہے ہیں،تھانوں کی موبائلز اور ڈولفن کی ٹیمیں علاقے میں گشت کے فرائض سرانجام دے رہی ہیں۔
عبادت کے لیے گرجاگھروں میں آنے وا لے شہریوں کو مکمل باڈی سرچنگ کے بعد داخلے کی اجازت دی جائے گی، سی پی او سید خالد ہمدانی کا کہنا تھا کہ ڈیوٹی پرمامور افسران الرٹ ڈیوٹی کو یقینی بناتے ہوئے اردگرد کے ماحول اور مشکوک افراد پر کڑی نظر رکھیں، اقلیتوں کے حقوق کے تحفظ اور امن و امان کا قیام اولین ترجیح ہے جس کے لیے تمام وسائل بروئے کار لائے جارہے ہیں۔
