راولپنڈی(کرائم رپورٹر)راولپنڈی پولیس کے تفتیشی افسران کو اخراجات کی مد میں 22 لاکھ 36ہزار 500روپے کی رقم ادا،ایس ایس پی انوسٹی گیشن زنیرہ اظفر نے تفتیشی افسران میں چیک تقسیم کیے، تفتیشی فنڈزکی ادائیگی کا مقصد تفتیش کے معیار کو بہتر و شفاف بنانا اور تفتیش میں درپیش مالی مسائل کا حل ہے۔

تفصیلات کے مطابق سٹی پولیس آفیسر راولپنڈی سید خالد ہمدانی کی ہدایت پرتفتیشی افسران کی مشکلات کو بروقت حل کرنے کیلئے اقدامات کا سلسلہ جاری ہے، ایس ایس پی انوسٹی گیشن زنیرہ اظفر نے راولپنڈی پولیس کے20تفتیشی افسران کو تفتیشی فنڈز کی مد میں لاکھوں روپے کی ادائیگی بذریعہ کراس چیک کی،تفتیشی افسران کو 22لاکھ36ہزار 500 روپے سے زائد کی رقم بذریعہ کراس چیک دی گئی،ایس ایس پی انوسٹی گیشن زنیرہ اظفر کا کہنا تھا کہ تفتیشی افسرا ن کی مشکلات اور مسائل سے بخوبی آگاہ ہیں، انہیں فنڈز بروقت جاری کرنے کا مقصد تفتیش کے معیار کو بہتر بنانا اور شفافیت کے عمل کو یقینی بنانے کے ساتھ ساتھ تفتیشی افسران کے مسائل کو حل کرنااور مشکلات کو دور کرنا ہے۔

راولپنڈی پولیس شفافیت اور میرٹ پر یقین رکھتی ہے اور تفتیشی افسران کو تفتیشی فنڈز کی فراہمی کو شفاف بنانے کے لیے فنڈز کی فراہمی کراس چیکس کے ذریعے کی گئی ہے۔