اسلام آباد(روشن پاکستان نیوز)لاہور کی انسداد دہشت گری عدالت نے 9 مئی کے 3 مقدمات میں پاکستان تحریک انصاف کے بانی عمران خان کی عبوری ضمانت میں 10 مئی تک توسیع کر دی جبکہ عدالت نے ملزم کی اڈیالہ جیل سے ویڈیو لنک پر حاضری مکمل کرانے کا حکم دے دیا۔
انسداد دہشت گری کی خصوصی عدالت کے جج ڈیوٹی جج ارشد جاوید نے 9 مئی کو جناح ہاؤس حملہ، عسکری ٹاور حملہ اور تھانہ شادمان نذر آتش کرنے کے مقدمات میں سابق وزیراعظم عمران خان کی عبوری ضمانتوں پر سماعت کی۔
عمران خان کے جونئیر وکلاء کی ٹیم عدالت میں پیش ہوئی اور مؤقف اختیار کیا کہ سینیر وکیل بیرسٹر سلمان صفدر مصروف ہیں مہلت دی جائے۔
عدالت نے استدعا منظور کرتے ہوے اگلی سماعت پر بانی پی ٹی آئی کے وکیل بیرسٹر سلمان صفدر سے دلائل طلب کرتے ہوئے سماعت 10 مئی تک ملتوی کر دی۔
بانی پی ٹی آئی کی جیل سے ویڈیو لنک پر ایک بار بھی حاضری مکمل نہیں ہوئی، 4 مقدمات میں عمران خان آئی کی حاضری کے بغیر میرٹ پر فیصلہ ہو چکا ہے۔
عدالت نے عمران خان کی اڈیالہ جیل سے ویڈیو لنک پر حاضری مکمل کرانے کا حکم دے دیا اور 9 مئی کے 3 مقدمات میں بانی پاکستان تحریک انصاف کی عبوری ضماتوں میں توسیع کردی۔
