وزیر داخلہ محسن نقوی نے بجلی کی زائد بلنگ میں ملوث عملے کے خلاف ملک گیر کارروائی کا حکم دے دیا۔
اپنے بیان میں محسن نقوی نے کہا کہ ملک بھر میں بجلی چوروں کے خلاف جاری کریک ڈاؤن کو مزید تیز کیا جائے، ایف آئی اے اوور بلنگ اور بجلی چوروں کے خلاف اپنی پوری صلاحیتیں بروئے کار لائے۔
وزیر داخلہ نے کہا کہ اوور بلنگ میں ملوث بجلی کمپنیوں کا عملہ کسی رعایت کے مستحق نہیں۔
محسن نقوی کا مزید کہنا تھا کہ ایف آئی اے بجلی چوری روکنے کے لیے بلوچستان اور کے پی کے حساس علاقوں میں سیکیورٹی فراہم کرے گی۔
