اسلام آباد (روشن پاکستان نیوز) چیئرمین پی ایم یوتھ رانا مشہود نے عوام کو خبردار کیا ہے کہ آئی ایم ایف کی شرائط کے نتیجے پیٹرول اوربجلی کی قیمتوں میں اضافہ ہوگا۔
تفصیلات کے مطابق چیئرمین پرائم منسٹر یوتھ پروگرام رانا مشہود نے پریس کانفرنس کرتے ہوئے کہا ملک کو بہت سے چیلنجز کا سامنا ہے، پاکستان کو آگے لےجانے کیلئےیکسوئی سے کام کرنے کی ضرورت ہے۔
رانا مشہود کا کہنا تھا کہ آئی ایم ایف کیساتھ معاملات خوش اسلوبی سےطےپاگئےہیں، آئی ایم ایف کی ڈیل اللہ کےکرم سےکامیاب ہورہی ہے۔
چیئرمین پرائم منسٹر یوتھ پروگرام نے بتایا کہ آئی ایم ایف کی ڈیل کا اثر 6سے 12ماہ تک رہے گا ، آئی ایم ایف کی شرائط کے نتیجے پیٹرول اور بجلی کی قیمتوں میں اضافہ ہوگا۔
مزید پڑھیں: ملک میں پیٹرولیم مصنوعات کی فروخت میں 21 ماہ کے بعد اضافہ ہو گیا
ان کا مزید کہنا تھا کہ رفتہ رفتہ بہتری کیلئےاقدامات سے معاشی بحالی ہوگی ،مہنگائی کم ہوگی۔
