جمعه,  21 جون 2024ء
الیکشن سے متعلق میڈیا نمائندگان کیلئے ہدایات جاری

اسلام آباد(روشن پاکستان نیوز) الیکشن کمیشن کے ترجمان نے میڈیا نمائندوں کو الیکشن 2024 سے متعلق معلومات فراہم کرنے کا حکم دے دیا۔

چاروں صوبائی الیکشن کمشنر کو مراسلہ لکھتے ہوئے ترجمان الیکشن کمیشن نے کہا ہے کہ عام انتخابات 2024 کی تیاریاں عروج پر ہیں، تمام صوبائی الیکشن کمشنرز اور ترجمان متعلقہ میڈیا ٹیموں کے ساتھ باقاعدگی سے رابطہ کریں۔

ترجمان کا کہنا ہے کہ صحافیوں کو عام انتخابات 2024 کے حوالے سے مختلف سرگرمیوں کے بارے میں الیکشن کمیشن کی تیاریوں سے آگاہ رکھا جائے۔

واضح رہے کہ  پاکستان میں عام انتخابات کے لیے پولنگ کل ہو گی، ووٹرز قومی اور صوبائی اسمبلیوں کے 855 حلقوں میں امیدوار چنیں گے۔

ملک بھر میں رجسٹرڈ ووٹرز کی تعداد 12 کروڑ 85 لاکھ 85 ہزار 760 ہے۔

ملک بھر میں 90 ہزار 675 پولنگ اسٹیشن قائم کیے گئے ہیں جبکہ 14 لاکھ 90 ہزار انتخابی عملہ ڈیوٹی دے گا۔

مزید خبریں

FOLLOW US

Copyright © 2024 Roshan Pakistan News