هفته,  13 جولائی 2024ء
معروف تاجر علی شیخانی نے کے الیکٹرک خریدنے کا اعلان کردیا

کراچی (روشن پاکستان نیوز) شیخانی گروپ کے سربراہ پاکستانی نژاد امریکی تاجر علی شیخانی نے ‘کے الیکٹرک’ خریدنے کا اعلان کیا ہے۔

سوشل میڈیا پر علی شیخانی نے اپنے تصدیق شدہ اکاؤنٹ انسٹاگرام پر ایک ویڈیو پیغام شیئر کیا ہے۔ علی شیخانی نے کہا کہ گزشتہ 4 سے 5 دنوں میں کراچی کے انٹرنیٹ صارفین مجھے اور میری ٹیم کو مسلسل ٹیگ کر رہے ہیں۔

علی شیخانی کا کہنا تھا کہ صارفین کا مطالبہ ہے کہ میں کے الیکٹرک خرید لوں۔ میں نے بات کی ہے کہ کےالیکٹرک فروخت ہو چکی یا نہیں، اگر نہیں بکی تو اسے خریدنے کا کیا طریقہ ہے۔

مزید پڑھیں: یکم اپریل 2024 سے اب تک 18 ہزار 381 تاجر فائلرز بنے،ایف بی آر

انہوں نے کہا کہ میں بغیر کسی رشوت کے ‘کے الیکٹرک’ خریدنے کے لیے تیار ہوں، اپنے کراچی کے عوام کے لیے میں کے الیکٹرک خرید لوں گا۔

شیخانی گروپ کے سربراہ نے مزید کہا کہ اگر شیخانی گروپ کے الیکٹرک خرید لیتا ہے تو مجھے پیسہ بنانے کی کوئی ضرورت نہیں ہے۔ میرے پاس اللّٰہ کا دیا ہوا سب کچھ ہے۔ میری کوشش صرف مڈل کلاس فیملیز کو ریلیف دینے کی کوشش ہوگی۔

مزید خبریں

FOLLOW US

Copyright © 2024 Roshan Pakistan News