اسلام آباد(روشن پاکستان نیوز) وزیراعظم شہباز شریف نے ایران کے بیلسٹک میزائل پروگرام کے حوالے سے بات کرتے ہوئے کہا کہ بیلسٹک میزائل کے حوالے سے دہرا معیار نہیں ہونا چاہیے۔
وزیراعظم شہبازشریف اور ایران کے صدر مسعود پزشکیان کی مشترکہ پریس کانفرنس کرتے ہوئےکہا بیلسٹک میزائل کا معاملہ مذاکراتی ایجنڈے کا کبھی حصہ نہیں تھا، اگر ایران بیلسٹک میزائل اپنے دفاع کیلئے رکھتا ہے تو بہت سے ملک ایسے میزائل رکھتے ہیں۔
وزیراعظم نے سوال اٹھایاکہ ایسی صورتحال میں ایران کے بیلسٹک میزائل پر سوال کیوں اٹھتا ہے، دوسرے ملکوں کی طرح ایران اپنے دفاع کیلئے بیلسٹک میزائل کیوں نہیں رکھ سکتا؟
وزیراعظم نے کہا بعض عناصر امن کیلئےکاوشوں کو سبوتاژ کرنا چاہتے ہیں، ہمارا اور ایرانی صدرکا پختہ عزم ہےکہ ہم اس معاہدے کو خراب کرنے والوں کے سامنے آہنی دیوار کی طرح کھڑے ہوں گے، امن دشمنوں کی سازشیں ناکام بنانےکیلئے آہنی دیوار کی طرح کھڑے ہیں۔
وزیراعظم نے کہا یقین دلاتا ہوں کہ ہم یہ اہم کردار ادا کرتے رہیں گے، ہم پائیدار معاہدے تک اپنا کردار ادا کرتے رہیں گے، ہم ایرانیوں کے عزم کو خراج تحسین پیش کرتے ہیں، جنگ بندی اور ایم او یو میں فیلڈ مارشل نے ان تھک محنت کی، اللہ بے حد مہربان ہے جس نے ہمیں یہ کامیابی عطا کی، ہم نے کہا تھا کہ اس جنگ کو رکوانے کیلئے جو کچھ کرسکے کریں گے۔
وزیراعظم نےکہا ہم ایران کےساتھ ہر شعبے میں تعاون کو فروغ دیں گے، ایران جلد ایک بڑی معیشت بنے گا، ہم ہمیشہ کے لیے دوست اور بھائی ہیں، دنیا میں دوہرا معیار نہیں ہونا چاہیے۔ ایران کی کامیابی ہماری کامیابی ہے، ایران کی ناکامی ہماری ناکامی ہے۔
فیلڈ مارشل سید عاصم منیر سے ایرانی صدر ڈاکٹر مسعود پزشکیان کی ملاقات
وزیراعظم کا کہنا تھا قطرکے امیر اوروزیراعظم نے اس امن اقدام کے لیے بھرپور حمایت کی، سعودی ولی عہد اور ترکیے کےصدر اردوان نے پاکستان کے امن اقدام کی حمایت کی۔
وزیراعظم شہبازشریف نے ایران کے سپریم لیڈر مجتبیٰ خامنہ ای کیلئے نیک تمناؤں کا اظہار کیا۔
ایرانی صدر کو شاندار خدمات کے اعتراف میں اعزازی فیلوشپ دی گئی
دوسری جانب ایرانی صدر مسعود پزشکیان کو پاکستان کالج آف فزیشنز اینڈ سرجنز کی جانب سے اعزازی فیلوشپ دیے جانے کی تقریب ہوئی، وزیراعظم شہبازشریف اور فیلڈ مارشل سید عاصم منیر نے تقریب میں شرکت کی۔
وزیراعظم اور پاکستان کالج آف فزیشنز اینڈ سرجنز کے صدر نے ایرانی صدر کو فیلوشپ دی، ڈاکٹر مسعود پزشکیان کو یہ فیلوشپ شاندار خدمات کے اعتراف میں دی گئی۔
